Абылай хан атындағы № 140 қазақ орта мектебінде жасөспірімдер арасында құқық бұзушылықтың алдын алу мақсатында ата-аналармен кездесу өткізілді. Кездесу барысында ҚР Қылмыстық және әкімшілік құқық бұзушылық кодексінің баптары бойынша жасөспірімдер арасында қылмыстың, нашақорлықтың алдын алу, кибербуллингтің зияндылығын ұғындыру, жыныстық қолсұғылмаушылықтың, топтық төбелесті болдырмау бағытында түсіндірме жұмыстары жасалды.
Құқық бұзушылықтың алдын алудың бірден-бір жолы – оқушылардың мектептен тыс уақытта қосымша біліммен қамтылуын дұрыс ұйымдастыру. Осы ретте мектеп директоры А.Мусабаева мектеп оқушыларын, әсіресе ер балаларды мектеп жанындағы үйірмелерге, жобаларға қатыстыруға ықпал етулерін сұрады. Мектеп психологтары ата-аналармен тренинг өткізіп, жағымды ахуал орнатты.
